+034 986 09 02 04 Mércores 23 de Setembro de 2020

Cores Tourís analiza coa alcaldesa de Crecente o acondicionamento do entorno do embarcadorio deste concello


O delegado territorial comprobou o mal estado dos peiraos que dan servizo a 8 embarcacións da parroquia de Filgueira

O delegado territorial da Xunta en Pontevedra, José Manuel Cores Tourís, visitou recentemente o concello de Crecente, para, en compaña da alcaldesa da localidade, Marisol Gómez, analizar as necesidades de mellora do entorno do embarcadoiro do Miño situado neste municipio.

O delegado territorial estudou así coa alcaldesa de Crecente a demanda que lle foi presentada á rexedora polos pescadores da parroquia de Filgueira en relación á mellora deste entorno.

Cores Tourís e Marisol Gómez comprobaron o estado dos peiraos situados neste embarcadoiro. “O obxectivo dos traballos que demandamos é o acondicionamento deste entorno, xa que ao mellorar os peiraos tamén poderíamos mellorar o servizo ás 8 embarcacións que os usan nesta zona”, explicou a alcaldesa.

“Deste xeito, repararíanse os peiraos, cambiándose as pranchas dos mesmos que se atopan en mal estado”, engadiu Gómez. Pola súa banda, o delegado territorial asegurou que dará traslado da demanda aos técnicos da administracións autonómica de cara a analizar á viabilidade das obras.

Deja un comentario