+034 986 09 02 04 Venres 21 de Setembro de 2018

Nava Castro inaugura o Belén Artesanal de Valga, unha das composicións do Nadal máis espectaculares de gGalicia


Trátase da mostra artesanal en movemento máis grande de Galicia que recrea todo tipo de motivos do Nadal, pero tamén aspectos relacionados coa actividade e a actualidade

A directora de Turismo de Galicia, Nava Castro, participou na inauguración do Belén Artesanal en Movemento de Valga, a mostra artesanal en movemento máis grande de Galicia.

Este Belén, recrea todo tipo de motivos do Nadal, pero tamén aspectos relacionados coa actividade e a actualidade en Valga e en toda España a través das costumes e oficios representados por personaxes coñecidos da vila, persoeiros famosos e ilustres.

Unha das composicións do Nadal máis espectaculares da nosa comunidade, tanto polas súas dimensións como polas súas figuras talladas a man que obtivo no 2013 a declaración de Festa de Interese Turístico de Galicia, sendo o primeiro en acadar esta distinción e compartindo na actualidade unicamente este recoñecemento co Belén Electrónico de Begonte.

Durante o acto, a directora de Turismo de Galicia sinalou que este Belén é un dos acontecementos sociais e culturais máis importantes e esperados do ano, e non só para os veciños de Valga, senón tamén para miles de persoas que se trasladan desde diferentes puntos de Galicia a admirar de preto as figuras talladas a man. Neste senso, Nava Castro afirmou que “constitúe un dos grandes reclamos da nosa comunidade como destino turístico no Nadal”.

Así mesmo, salientou a súa importancia como recurso turístico que outorga un valor engadido á visita do destino Galicia nestas festas e que atrae numerosos turistas que aproveitan para coñecer outros grandes atractivos da vila na que se encontra.

Tradición belenística
Neste senso, a responsable de Turismo da Xunta fixo referencia a algunhas das numerosas mostras que atesoura a nosa comunidade diseminadas polas catro provincias como o Belén da Catedral de Santiago, o belén da Grande Obra de Atocha na cidade herculina, o belén do Liceo en Betanzos, o belén da Orde Terceira en Ferrol, o belén de Viveiro ou o belén do escultor Arturo Baltar en Ourense, entre outras

Nava Castro afirmou que estas manifestacións culturais tan enraizadas nos costumes dos pobos e as vilas de Galicia constitúen un dos grandes atractivos da nosa comunidade e nos diferencian como destino convertendo a visita dos viaxeiros nunha experiencia única.

Deja un comentario