+034 986 09 02 04 Martes 20 de Outubro de 2020

O equipo de goberno de Ribadumia aforrará un 45% no mantemento de ascensores


A revisión dos contratos supón unha mellora no nivel de servizo contratado e un aforro de 1.269€, case a metade do que se estaba pagando

O equipo de goberno de Ribadumia aprobou na última Xunta de Goberno uns novos contratos para o mantemento dos dous equipos elevadores existentes no Concello. A negociación deste novo contrato realizouse pedindo orzamentos a varias empresas, e sometendo logo as diversas propostas a estudo por parte dos técnicos municipais, que elaboraron o pertinente informe expoñendo cal era a oferta máis favorable. A Xunta de Goberno en función a ese informe decidiu mudar o contrato de mantemento e a empresa que xestionaba os elevadores dende o 2012.
Ata o de agora o concello tiña que face fronte a uns custes de mantemento de 2.953,80€ anuais, e a parte facerse cargo do custe dos repostos, que solo no 2016 supuxeron 600€ máis. Co novo contrato, que lle custará o concello 1.683,73€ anuais, aforrarase o 45%, en total 1.269,07€ menos. A maiores disto, os novos contratos inclúen todas as pezas de recambio, o cal supón unha importante melloría na calidade de servizo contratada.

Mais aforros en mantemento.
A este aforro hai que sumar os conseguidos ó longo do ano 2016 coas negociacións do mantemento de alarmas e os das liñas de telefonía. A centralización do servizo de alarmas supón un aforro anual no seu mantemento de case 4.000€ e o aforro logo de revisar as tarifas de telefonía supoñen un custo de 3.000€ menos cada ano. Solo nestes tres servizos, elevadores, alarmas e telefonía, o equipo de goberno conseguiu grazas a unha correcta xestión un aforro medio anual do 50% neste servizos, cun aforro acumulado que ronda os 10.000€/ano, ademais de conseguir importantes melloras na calidade do servizo.

Deja un comentario