+034 986 09 02 04 Venres 22 de Setembro de 2017

O Porriño súmase a ‘Musiqueando’ que xunta a 20.500 estudantes de toda España, ao mesmo tempo, en diferentes lugares, para reivindicar a importancia da música na vida e na educación


Alumnas e alumnos do CPI da Ribeira, e dos IES Pino Manso e Ribeira do Louro, sumáronse este xoves, día 27 de abril, a máis de 20.000 rapazas e rapaces que celebraron en toda España unha nova edición de ‘Musiqueando’, facendo música na rúa.
Co apoio da Concellería de Educación, dirixida por Lourdes Moure, preto dun cento de estudantes amosaron que #nosimportalamúsica, interpretando na Praza do Cristo, en pleno centro do Porriño, ‘O Son do ar’, de Luar na lubre, ‘O Danubio azul’, de Johann Strauss, a canción tradicional inglesa ‘Scarborough’s Fair’, ‘The Harmonious Blacksmith’ de Haendel, ‘Fuga xeográfica’ de Ernst Toch, ‘Matriarcas’ de Guadi Galego, ‘The scientist’, de Coldplay, ‘Wonderwall’, de Oasis, ‘Danza de bastóns’, de Francia, a ‘Danza das fitas’, de Galicia, o ‘Canon das froitas’ e mesmo fixeron unha exhibición de danza moderna.
‘Musiqueando’, impulsado pola Confederación de Asociacións de Educación Musical (COAEM), ten coma obxectivo que un día ao ano sirva para sensibilizar da importancia que ten a música na vida e na educación, coma se pon de manifesto no enlace http://musiqueando2017.weebly.com/, no que se fai unha descrición dos obxectivos deste 27 de abril.

Deja un comentario