+034 986 09 02 04 Sábado 20 de Xaneiro de 2018

Exposición: “Trazos y letras”: do día 1 ao 30 de xullo de 2017


(Sábados, domingos e festivos en horario de 11:00h a 14:00h e de 16:00h a 20:00h. Lugar: Castelo de Dona Urraca)
Inauguración: Domingo 2 de Xullo ás 12:00h no Castelo de Dona Urraca, Salvaterra de Miño, con lectura de poemas e a presenza dos dous artistas invitados.
O Concello de Salvaterra de Miño dentro da súa campaña de promoción e posta en valor do seu patrimonio, a través dos diferentes usos dos mesmos, presenta unha nova exposición enmarcada dentro do Castelo de Dona Urraca baixo o lema “trazos y letras” do artista plástico Marco Santos e a escritora Elena Ojea, é unha interacción entre pintura e poesía. Trátase dunha colaboración onde se xoga a interpretar diferentes realidades sociais dende diferentes pero interrelacionadas expresións artísticas. A través dos lenzos e dos poemas poderemos achegarnos á particular visión destes dous artistas sen esquecernos do patrimonio histórico no que se presentan.

Marco Santos (Valença, Portugal, 1981) é un artista plástico autodidacta cheo de inquietudes, cualidades que forman a un artista en continua evolución, cun estilo único e inconfundible que xa participou en numerosas exposicións en España, Portugal e Reino Unido, cun claro obxectivo, expresar as súas opinións a través da arte.

Elena Ojea (Mondariz, 1980), escritora novel acaba de publicar o seu primeiro poemario “vida controvertida”, con poemas de carácter social, que pretenden sacar á luz diferentes realidades sociais que non nos son estrañas a ningún.

Deja un comentario