+034 986 09 02 04 Venres 24 de Novembro de 2017

Comeza a operar o dispositivo de loita contra incendios dotado de 14 traballadores


O Concello de Mos contratou, grazas á subvención de Medio Rural, 4 operarios, 1 xefe de brigada e 9 condutores durante a tempada estival

A alcaldesa de Mos, Nidia Arévalo, a concelleira mosense de Medio Ambiente, Julia Loureiro, e o coordinador do Servizo Municipal de Emerxencias, Rodrigo Iglesias, déronlle hoxe a benvida no Concello aos 14 traballadores que integran o dispositivo local de loita contra incendios deste verán.
O Concello de Mos inicia a súa campaña municipal contra incendios deste verán para a que a administración local contratou, grazas ó convenio por tres anos asinado coa consellería de Medio Rural, 14 traballadores: 4 operarios integrantes dunha brigada forestal, un xefe para dita brigada e 9 condutores para os vehículos motobomba; aos que esta mañá recibiron no salón de sesión do Concello a alcaldesa mosense, Nidia Arévalo, e a concelleira de Medio Ambiente e Emerxencias, Julia Loureiro.
Este convenio antes asinábase anualmente e agora, con esta firma por tres anos, conséguese unha maior estabilidade do servizo prestado e garantir a creación dunha serie de postos de traballo de cara ao vindeiro ano.
O 16 de xuño rematou o prazo de inscricións do que resultaron un total de 51 candidatos inscritos: 18 para o posto de condutor/a, 5 para o de xefe/a de brigada e 28 para o de operario/a. A seguinte semana realizáronse as probas de selección para que os/as seleccionados/as puideran comezar a traballar o pasado luns 3 de xullo.
Estes 14 novos traballadores estarán operativos todo o verán para realizar funcións de prevención e defensa forestal, reforzando o xa existente Servizo Municipal de Emerxencias e contando en todo momento coa colaboración dos integrantes da Agrupación de Voluntarios de Protección Civil de Mos.
As representantes municipais, a rexedora local Nidia Arévalo e edil Julia Loureiro declaron a este respecto que “a importancia deste dispositivo de loita contra incendios é vital”, pero incidiron en que “é preciso concienciar á cidadanía para intentar diminuír desde o primeiro momento o risco dun lume, xa que o monte é patrimonio de todos. Por iso insistimos en potenciar a prevención, a vixilancia e disuasión para que os montes mosenses non séxan vítimas dos lumes”.

Deja un comentario