+034 986 09 02 04 Luns 30 de Novembro de 2020

AS OBRAS DE SANEAMENTO NO BARRIO DO CONTRASTO, EN TORNEIROS, CHEGAN Á ‘ZONA CERO’, NA QUE APERCERON REFUGALLOS DE LINDANO, MOTIVO POLO CAL O CONCELLO INFORMARÁ, ESTE VENRES, AOS VECIÑOS SOBRE AS MESMAS


O Concello do Porriño vai comezar as obras da saneamento na ‘zona cero’ do Contrasto, en Torneiros, onde hai meses aparecerán refugallos de lindano, motivo polo cal este mércores, a alcaldesa, Eva García de la Torre, mantivo unha xuntanza, no mesmo lugar, con representantes da empresa que vai realizar os traballos, a enxeñeira encargada, o director de obra, o coordinador de seguridade e saúde da obra, un técnico do Consorcio de Augas do Louro e o xefe da Policía Local.
Na xuntanza expuxéronse as medidas que está previsto adoitar para protexer aos traballadores e aos veciños do Contrasto durante a realización dos traballos, que vanse a realizar por treitos e que abranguen, ademais da protección das persoas máis achegadas ás obras, o corte do tráfico.
Estímase que os traballos estean rematados en tres semanas, tempo durante o cal estará cortado o tráfico nesta zona, así mesmo, o venres, día 24, tampouco haberá subministro de auga entre as 4 e as 7 da tarde na Urbanización San Rafael, A Relba e Mota-Noval.
Coa finalidade de informar, polo miúdo, ás veciñas e veciños, o venres, día 24, ás 7 e media da tarde, no Centro Cultural de Torneiros, haberá unha xuntanza na que se indicarán qué medidas deben de adoitar durante o tempo de duración deste treito final da acometida.

Deja un comentario