+034 986 09 02 04 Sábado 17 de Novembro de 2018

A XUNTA INVESTIRÁ MÁIS DE 48.000 EUROS NA MELLORA DE REFORZO DO FIRME DE DISTINTOS ANTIGOS TRAMOS DA ESTRADA PO-400 EN CRECENTE


As obras dispoñen dun prazo de execución de 2 meses, prevéndose o seu inicio na segunda quincena de novembro
A Consellería de Infraestruturas e Mobilidade acaban de adxudicar por máis de 48.000 euros as obras de mellora e reforzo do firme nos tramos antigos da estrada PO-400 Salvaterra de Miño – Filgueira, distribuídos ao longo do municipio pontevedrés.

Esta intervención do departamento de Infraestruturas dispón dun prazo de execución de 2 meses, estando previsto o inicio das obras na segunda quincena de novembro.

Esta actuación se enmarca no plan de reforzo de firme da Xunta, e permitirá mellorar os antigos treitos de estrada autonómica, que na actualidade seguen sendo moi utilizados polos veciños do municipio, xa que dan acceso ás vivendas particulares, fincas, núcleos e entronques con outros viais municipais. .

En concreto actuarase na mellora do estado actual de catro viais, dous situados en Mosteiro (Albeos), outro nun acceso en Pazo (Sendelle) e o último nun acceso en Parada (Rebordechán).

Nestes antigos tramos da PO-400 a intervención incluirá o reforzo da capa de rodadura actual e, no caso de ser necesario incluirá o bacheo previo e a execución de novo firme. A obra completarase coa limpeza e reperfilado de cunetas.

Está actuación completarase cunha segunda fase, na que se prevén obras de reforzo do firme noutros antigos tramos da estrada en Crecente, de acordo coas necesidades expresadas polo concello.

Deja un comentario