Obradoiro de dobraxe na Biblioteca Municipal Pérez Labaca de Mondariz

O Concello de Mondariz e a Deputación de Pontevedra organizan este sábado “O Mundo da Dobraxe”, un obradoiro lúdico divulgativo, da man de Suso Pando e Manuel Pombal. Trátase dunha actividade gratuita dirixida ós pequenos e á mocidade que se desenvolverá en dúas quendas, a primeira de 17 a 18 horas para cativos de 6 a 11 anos; e a segunda de 18:30 a 19:30 para rapaces de 12 a 16 anos. Recoméndase inscrición previa no teléfono: 986664333 ou no correo: biblioteca@bibliotecademondariz.com