+034 986 09 02 04 Luns 24 de Xuño de 2019

PROPOSTA CULTURAL DO CONCELLO DAS NEVES POLO DÍA DAS LETRAS GALEGAS


Co gallo do Día das Letras Galegas, adicado este 2019 ao profesor Antonio Fraguas, o Concello das Neves organiza un programa de actividades dende este xoves, día 16, ata o día 19.

Mañá, ás 9 da noite, no Auditorio Municipal, concerto de Leilía, o grupo integrado por Ana, Patri, Merchi, Montse, Felisa e Rosario e fundado hai 30 anos, segue adiante coa súa aposta pioneira e atrevida de recuperar e actualizar a música xurdida da tradición oral galega.

O mesmo venres, día 17, no mesmo lugar, e ás 7 da tarde, chegará a quenda da Banda de Música Popular de Rubiós, fundada hai 127 anos, e recuperada definitivamente en 1987.

O domingo, día 19, na Praza Maior- no caso de que chova no Auditorio Municipal- a 1 da tarde as veciñas e veciños poderán gozar das voces da Coral Polifónica Santa María das Neves.

Durante todos estes días o Concello mantén aberta a Exposición de Cartaces e Actividades arredor da figura, a vida e a obra de Antonio Fraguas (Loureiro, Cotobade 1905 – Compostela 1999) escritor, profesor, ensaísta, historiador, antropólogo e etnógrafo galeguista que en 1951 entrou a formar parte da Real Academia Galega no lugar que ocupara no seu día Castelao.

Deja un comentario