+034 986 09 02 04 Xoves 21 de Novembro de 2019

A BIBLIOTECA MUNICIPAL DE SOUTOMAIOR ABRE O PRAZO DE INSCRICIÓN PARA OS SEUS CLUBS DE LECTURA


A participación é totalmente gratuíta para nenos e adultos
Os clubs de lectura da Biblioteca Municipal de Soutomaior volven á actividade despois do verán. Esta semana abriuse o prazo de inscrición para as dúas principais propostas, o club de lectura infantil, con dous grupos por idades, e o club de “Lectura fácil” para adultos con dificultades no manexo da lingua castelá. A participación en ambos os clubs é totalmente gratuíta e só é necesario solicitar a inscrición na biblioteca no seu horario habitual.
O grupo de lectura fácil é unha nova iniciativa destinada a favorecer a inserción social utilizando a lectura como ferramenta de integración de novos cidadáns e persoas de fala estranxeira ou con dificultade lectora mediante textos sinxelos e de fácil comprensión. Os destinatarios do club son persoas en fase de aprendizaxe do idioma, discapacitados, novos, persoas maiores de baixa escolarización e en xeral a todas aquelas que en xeral desexen gañar fluidez na práctica do castelán ademais de mellorar as súas capacidades lectoras e de expresión oral. Os encontros durante este curso realizaranse os martes alternos, de 11 a 12 horas na primeira planta da biblioteca.
Para adaptarse ás fases do desenvolvemento dos pequenos e poder centrarse no tipo de obra indicado, o Club Infantil de lectura conta cun grupo para nenos e nenas de 6 a 8 anos de idade e outro para os de 9 e 10. O horario das reunións será de 18:00 a 19:00 horas nos mércores alternos.

Deja un comentario