O Programa Municipal ‘Verán na Lama 2015’ arranca co primeiro curso ‘Obradoiro de Prantas Medicinais’

Ademais do ‘Obradoiro de plantas medicinais’, o programa inclúe un curso de Cestaría tradicional e dous talleres infantís de Decoración de galletas e cupcakes ou Manualidades con goma eva

O programa municipal ‘Verán na Lama 2015’ arrancou co primeiro dos seus cursos impartidos, o ‘Obradoiro de Prantas Medicinais’, no cal se completaron o total das prazas ofertadas.
Durante o desenvolvemento de curso -que se impartirá todos os mércores no mercado municipal de 10:30 a 13:00 horas- os asistentes coñecerán as técnicas de secado e conservación de plantas, a elaboración dos seus propios remedios naturais ou o estudo das propiedades de cada planta, ademais dos beneficios que estas teñen para o organismo. A maiores, nesta primeira clase, os alumnos tamén tiveron tempo de saír a recoller plantas para as súas elaboracións, acompañados da profesora que imparte o curso.
Mañá a quenda será para a primeira clase do taller infantil deManualides con Goma Eva, que tamén se levará a cabo no mercado municipal todos os xoves de 11.00 a 12.30 horas. Nestas clases, os nenos aprenderán distintas técnicas do tratado de goma eva coas que poderán realizar os seus propios deseños.
Xa de cara á semana que vén comezarán os cursos de Cestaría Tradicional -taller que se vén realizando dende inverno con grande éxito- e o ‘Obradoiro Infantil de Decoración de galletas e cupcakes’, unha das novidades do programa de verán, que conta xa cun razoable número de alumnos e alumnas inscritos. Con todo, aqueles que estean interesados, aínda poden anotarse en calquera dos cursos a través da Oficina Municipal de Información Xuvenil -OMIX (Avda. do Concello, nº3) ou no teléfono 986 768 238 (extensión 4), onde se lles facilitará máis información se fose necesario.