+034 986 09 02 04 Venres 21 de Febreiro de 2020

O equipo feminino da categoría infantil do Club Natación Ponteareas proclámase campión galego


O CN Ponteareas acodou varios podios e medallas nesta fin de semana
Pablo Cabana, Sofía Carballo e Carla Faro xunto ao adestrador Andrés Carrera están convocados para o Campionato de España Júnior-Infantil representando á selección Galega
Unha vez máis, a concellería de Deportes que dirixe Nahir Covelo en nome de todo o goberno felicita ás e aos nadadores do Club Natación Ponteareas así como ao seu adestrador polos bos resultados acadados.
Nesta ocasión a piscina do complexo deportivo Rías do Sur, en Pontevedra, foi testemuña da calidade dos e das nosas nadadoras que no Campionato Galego de Natación categorías junior e infantil e na Copa Sénior celebrados esta pasada fin de semana conseguiron novamente podios e medallas.
Co obxectivo de mellorar marcas e conseguir entrar os primeiros clasificados o equipo CN Ponteareas viña de participar no Meeting Internacional de Pòvoa do Varzim a modo de posta a punto para competir nesta proba galega.
Os e as nadadoras de Ponteareas cumpriron os obxectivos entrando en numerosos podios e batendo 5 récords do Club en piscina de 50m.
O club remarca o papel do equipo feminino de categoría infantil que gañou o primeiro posto final, sendo campión galego de todos os relevos que desputou durante os tres días (4x100m. Estilos, 4x100m. Libre y 4x200m. Libre).
En xeral a actuación de todos os nadadores e nadadoras foi destacada quedando reflectido nas clasificacións finais:
Equipo relevos infantil / Equipo completo

 

CLASIFICACIÓN INFANTIL:
Feminino 1.ª posición
Masculino 11.ª posición
Conxunta 3.ª posición
CLASIFICACIÓN JÚNIOR:
Feminino 2.ª posición
Masculino 3.ª posición
Conxunta 2.ª posición

Doutra banda, 3 nadadores (Pablo Cabana, Sofía Carballo e Carla Faro) xunto ao noso adestrador, Andrés Carrera, están convocados para o Campionato de España Júnior-Infantil por Comunidades autónomas representando á selección Galega os vindeiros 14, 15 e 16 de febreiro en Las Palmas de Gran Canaria.

Deja un comentario