+034 986 09 02 04 Mércores 02 de Decembro de 2020

A Xunta leva entregadas preto de 47.695 unidades de protección contra o Covid-19 aos concellos do Salnés


O delegado territorial da Xunta en Pontevedra, José Manuel Cores Tourís, destacou que o Goberno autonómico enviou xa a estes municipios máis de 28.360 luvas, 17.680 máscaras, asi como traxes de protección e produtos de desinfección

A Xunta, a través da Delegación Territorial de Pontevedra, leva entregadas aos concellos da comarca do Salnés preto de 47.695 unidades de protección individual nos distintos envíos que se veñen de efectuar dende a plataforma loxística dende o inicio do decreto do estado de alarma.

En total, a Xunta desde que se decretou o estado de alarma leva repartido entre os concellos da provincia máis de 419.324 unidades de protección para loitar contra a pandemia.

Segundo informou hoxe o delegado territorial da Xunta en Pontevedra, José Manuel Cores Tourís, o último envío a estes municipios, realizado esta mesma semana, permitiu repartir 1.460 luvas e 1.300 mascarillas.

En total, os datos globales supoñen nesta comarca a recepción de 28.360 luvas, 17.680 máscaras, 1.243 batas e traxes de protección e 366 produtos de desinfección, entre outros elementos. Por concellos, os envíos totales de unidades de protección son os seguintes:

 

 

CONCELLOS      LUVAS     MÁSCARAS TOTAL (DE UNIDADES DE PROTECCION E DESINFECCIÓN)
CAMBADOS            3.290           2.100      5.587
O GROVE                2.740           1.930       4.889
MEAÑO                  2.190            1.675       4.003
MEIS                      2.690            1.600      4.388
RIBADUMIA        2.390           1.850       4.360
SANXENXO         3.390           2.000       5.615
VILAGARCÍA      5.690             2.725      8.826
VILANOVA          3.390            2.200       5.744
A ILLA DE AROUSA 2.590     1.600       4.283
TOTAL                        28.360   17.680     47.695

 

 

 

Todo o material distribúese desde a plataforma loxística que a Xunta puxo en marcha para centralizar a adquisición e o reparto de equipos de protección individual durante o estado de alarma e a emerxencia sanitaria polo coronavirus.
José Manuel Cores Tourís destacou o esforzo que se está a realizar dende o Goberno galego para dotar do equipamento necesario ás entidades locais para que o persoal dos servizos municipais involucrados na loita contra a expansión do Covid-19 e que seguen a traballar conten co material de protección que precisan. Así lembrou que a Administración autonómica adquiriu directamente material de protección para garantir a seguridade dos profesionais que traballan en servizos municipais esenciais como Protección Civil ou Axuda a Domicilio.

Deja un comentario